雙非孕婦

今日小弟LCK看新聞感到香人孕婦真是憤怒了。「大肚婆胎教維權
噚日有上千人獻出咗第一次，佢哋從來都未試過，難免有小小緊張，但最後都水到渠成。佢哋就係一班熱血媽咪，同埋細到手抱咁大、甚至仲喺肚入面嘅BB仔女，為咗維護權益，一生人首次上街鬧爆無能政府。
天寒地凍又落雨，點解都要帶埋仔女上街呢？九個月前誕下B女嘅余小姐話係忍無可忍。佢憶述B女臨盤當日，一早入產房等生，點知醫生唔得閒，安排佢「聞氣」，拖咗一排，醫生入到嚟就話要開刀。余小姐當堂O晒嘴，最後靠吸盤輔助誕下B女。

逾千名本地市民及孕婦，冒雨由維園遊行至新政府總部。李家皓攝

憂本港資源被吸乾
今次係余小姐第二胎，佢話原本可以順利啲，後嚟聽返姑娘講至知，因為內地孕婦係咁衝急症室，搞到產房醫生要落去救亡，令相對情況穩定嘅佢呆等，佢慨嘆「生仔明明係好神聖嘅事，但𠵱家好似要過五關斬六將咁」！
咁都未算，余小姐話產科病房入面十個有九個都係內地孕婦，佢哋講嘢聲大大、凡事老馮，「我見姑娘唔得閒，有時自己都忍痛落床，佢哋就唔係，見我落床，仲點我幫佢哋校床」。
余小姐仲話，之後四次帶埋B女去健康院，撞口撞面嘅都係內地孕婦，好擔心香港醫療同教育資源畀內地人吸乾，「佢哋無非都係想一人得道、全家升仙。」
今次反對內地孕婦來港產子遊行，係一班媽咪喺facebook發起，大會話有1400人參加，希望政府可以正視問題。
風頭火勢，醫管局行政總裁梁栢賢噚日即刻撲出來安撫港媽，話會考慮減少非本地孕婦配額，又提高衝急症室分娩收費」

小弟LCK認為新聞中說得是事實。小弟LCK呼籲其他香港人為孕婦遊行，因為孕婦遊行是有危險性，但是她們都遊行証明這件事令她們幾苦惱呢！所以我們沒有危險性的人都不幫忙是否有些問題呢？

小弟支持雙非嬰兒是無特區身份呢！